إبراهيم حسن حول “حسام وصلاح”: ما عندناش مشكلة مع أي لاعب وفيه ناس عايزة تخلق أزمة

نفي إبراهيم حسن، مدير منتخب مصر، وجود أي مشاكل بين حسام حسن، المدير الفني للمنتخب ومحمد صلاح، نجم نادي ليفربول الإنجليزي و كابتن المنتخب.

وقال إبراهيم حسن، في مداخلة هاتفية ببرنامج “can أبيدجان”، الذي يقدمه أحمد عبدالباسط، عبر فضائية “cbc”: محمد صلاح وجميع لاعبي منتخب مصر واحد، لن نفرق بين لاعب وآخر وسنضم فقط اللاعب الجاهز”.

وأضاف: كل لاعب له احترامه وتقديره وسعداء بوجود لاعب في المنتخب بقيمة محمد صلاح، مؤكدًا: مفيش مشكلة لحسام حسن مع محمد صلاح، البعض يريد اختلاق مشاكل.

وتابع: “مفيش بينا وبين أي لاعب مشاكل، ليه بتخلقوا مشاكل، معندناش مشكلة مع أي لاعب على رأسهم محمد صلاح، لكن في ناس عاوزين يدخلونا في مشاكل”.

وأردف: محمد صلاح، لاعب كبير وعمل تاريخ له ولمصر، أي لعيب له قيمة مثل صلاح، وباقي المحترفين، نحتاج وجودهم في الفترة المقبلة، مضيفًا: كل لاعب مهم لازم يبقى ليه وضعة باجتهاده في الملعب.

واسترسل: أنا وحسام حسن، مش بنحب دلع حد ولكن بندي لكل واحد قيمته، اللعيب اللي عمل تاريخ لازم يتقدر ولكن في نفس الوقت يشيل معانا يبقى موجود عشان يشيل المنتخب.
وواصل :محمد صلاح، نشيله فوق دماغنا من غير دلع، مبنعرفش نفرق بين حد، بنفرق في اللاعب اللي عنده شراسة وقوة في الملعب.

وأتمّ: سيكون هناك تواصل مع جميع المحترفين خلال الفترة المقبلة.