سمية الخشاب: “الراجل بشخصيته وحسابه البنكي مش شهادته”
بعد غياب ملحوظ عن منصات التواصل الاجتماعي، عادت الفنانة سمية الخشاب لإثارة الجدل بتصريحات جديدة عبر حسابها على منصة “إكس”، حيث تحدثت بصراحة عن الزواج والارتباط، محددة رؤيتها للصفات المثالية في الرجل.
كتبت سمية: “التيب بتاعي الراجل اللي واثق في نفسه، مبيسمعش للنسوان، بيحط بيرفيوم عدل، مثقف، وأكيد في نفس مستوايا المادي أو أكتر”.
وأضافت: “الجواز معدش بالشهادة يا جماعة، محدش بقى بيسأل العريس معاه شهادة إيه، بقى الحساب البنكي هو الأساس، افهموا بقى واعرفوا إزاي تجيبوا القرش”.
ذكرياتها مع “عائلة الحاج متولي”
وفي تصريحات أخرى، استرجعت سمية الخشاب ذكرياتها مع بداياتها الفنية وكشفت عن أجرها في مسلسل “عائلة الحاج متولي”، الذي كان انطلاقتها الحقيقية وحقق نجاحًا غير مسبوق.
قالت سمية: “كنت في بدايتي الفنية لما قرأت خبر عن بدء تصوير المسلسل، وقتها كنت قابلت الأستاذ نور الشريف، اللي وعدني إني هشتغل معاه.
بالفعل كلمني المنتج يومها وقال لي إن الدور متاح بعد اعتذار نجمة أخرى، وطلب مني أروح أوقع العقد فورًا”.
تابعت: “وقعت العقد بـ10 آلاف جنيه فقط، وسبحان الله المسلسل كسر الدنيا، أجواء التصوير كانت مليانة خفة دم ومرح، وده انعكس على النجاح الكبير اللي حققه العمل”.
وأشادت بالفنان الراحل نور الشريف قائلة: “كان نجم كبير بمعنى الكلمة، متواضع جدًا، وبيحرص إن كل الفنانين يظهروا بأفضل شكل ممكن، كان عنده رؤية عظيمة لتوجيه الفنانين بدون ما يحسس حد إنه أقل منه”.
تعليقات 0