كتبت الفنانة الشابة هاجر أحمد ، عبر جروب شكاوى جهاز حماية المستهلك على “فيسبوك”، منشورًا تحدثت فيه عن تجربتها السيئة مع إحدى المغاسل ذات الفروع العديدة في منطقة القاهرة الجديدة .
وقالت: “من شهرين ونص اتصلت بمغسلة ليها فروع كتير في القاهرة الجديدة اسألهم إن عندي شنطة غالية نوعها كريستيان ديور باهظة الثمن، وفيها بقعة كدة بالألوان بسيطة بنتي عملاها، وسألتهم هل تقدروا تشيلوا البقعة دي ولا لأ؟ قالولي طبعا يا فندم، إحنا كل شغلنا شنط ماركات وشنط غالية، للعلم إن سعر الشنطة حاليًا تقريبًا 5000 دولار”.
وأضافت هاجر: “لأني عارفة إني لأزم أودي الشنطة للمكان بتاعها يظبطوها بس المشكلة أن أقرب مكان ليا دبي، وأنا مش مسافرة دبي الفترة دي أبدًا، بعد ما تواصلت معاهم أكدولي أنهم يقدروا ينضفوها بسهولة، وأنهم كمان بيستخدموا نفس المواد اللي الكريستيان ديور بيستخدموها، قُلت أنا هديكم الشنطة وشوفوا هتعرفوا ولا لأ، لو لا ابعهتوهالي، وأكدت عليهم فوق الـ 50 مرة، قالولي إحنا عندنا فني بيحدد كمان هل يقدر يعمل كده ولا لأ ومش هنجازف يا فندم طبعًا”.
لذلك تقدمت بشكوى لجهاز حماية المستهلك بمصر ضد مغسلة معروفة بعد تلف حقيبتها باهظة الثمن من ماركة ديور Dior العالمية.
