محمد إمام: الزعيم عملي مشاكل كتير في بداية مشواري الفني
قال الفنان محمد إمام: “نجاح فيلم أبو نسب، يرجع لوجود مخرج كبير، أخويا رامي إمام، والفنان الكبير ماجد الكدواني اللي أعطى للفيلم ثقل وحبيت الشغل معاه ومع الفنانة ياسمين صبري، والحمد لله ربنا بيوفقني في الأفلام والإيرادات”.
ولفت خلال تصريحات تليفزيونية: “أنا متأثر بالفن من صغري، بس فكرة إن عادل إمام وبيمثل كانت مشكلة كبيرة ليا في أول مشواري، علشان أبويا وخاصة إنه الزعيم عادل إمام، بس الحمد لله مكنتش مركز في أي كلام وحش بيتقال كنت مركز في شغلي وفيه مشوار عايز أمشي فيه وفيه حتة معينة عايز أوصلها”.
وأشار: “عندي إعجاب وفضولية لهوليوود وإن شاء الله الفرصة تيجي قريب وعيني عليهم علشان منفضلش في المحلية”.
وتابع: “أي مشروع بينجح أول حاجة ببص لها شباك التذاكر والإيرادات وطبعا الناس بعيدا عن السوشيال ميديا”.
تعليقات 0