حسن شاكوش يروي تفاصيل استبعاده من فيلم الغربان

تحدث مطرب المهرجانات حسن شاكوش عن مشاركته في فيلم بعنوان «الغربان»، لكنه استبعد بعد التحضير لمدة 3 شهور للفيلم.

وقال حسن شاكوش خلال لقائه في برنامج «بالمايك والقلم»: «من حوالي 3 سنين كلمتني شركة ومضيت فيلم بطولة اسمه (الغربان) وقعدت 3 شهور أتمرن مع كلب المفروض هيظهر على هيئة ديب بيهجم عليا في الصحرا وبعدها وفي الآخر صاحبي، وكنت بتمرن مع حصان وفي الجيم».

وأضاف: «صورت 5 أيام في سيوة وصورت في مدينة الإنتاج الإعلامي، واللبس جهز وكل حاجة وعملت البرومو بتاع الفيلم، وكان المفروض نصور في روسيا لأن الفيلم محتاج تلج».

وأشار: «فوجئت الناس بتكلمني وقالوا الفيلم رشحوا له نجم تاني هو اللي عمله ومش هينفع أذكر الاسم، والشركة ولا اتصلت اعتذرت أو تأسفوا وكإني كنت مكنتش موجود بالنسبة لهم هوا».

وتابع: «لغيت شغل 3 شهور وصورت 5 أيام، كل ده تبخر في ثانية، كأني مكنتش موجود، أنا ماضي عقد وواخد عربون، أنا معايا صور وفيديوهات هبتدي أنزلها الأيام الجاية، وكان معايا عائشة بن أحمد بتصور في سيوة ونجوم كتير شاهدين على الكلام ده، المفروض إننا كنا مسافرين روسيا نكمل باقي الفيلم».